Reikiavik, cidade neutral

 

A partida do século  ©pemónbouzas

A capital de Islandia é unha cidade plana rodeada de montañas sempre nevadas, con edificios modernos de gran beleza e con vivendas pintadas de cores rechamantes, supoño que para que fagan contraste co branco dominante invernal, xa que está moi preto do círculo polar ártico. Nela habitan hoxe en día arredor de 130.000 persoas, un terzo dos habitantes de Islandia, a maior parte deles descendentes dos nórdicos de orixe norueguesa que a colonizaron hai séculos.

Reikiavik foi elixida como cidade neutral para a celebración da final do campionato  mundial de xadrez de 1972, en plena guerra fría, xa que os contendentes das chamadas “partidas do século” eran un ruso, o vixente campión Boris Spaski, recentemente falecido, e un estadounidense, un monstro chamado Bobby Fischer quen acabaría saíndo vitorioso grazas ao seu dominio da "defensa siciliana". Foi un torneo seguido por todo o mundo, incluso polos que non sabían nin colocar as pezas no taboleiro de xadrez. Millóns de seguidores para cada contrincante, eu sendo moi neno ía con Spaski porque me caía ben a súa imaxe. Grazas a eles, millóns de mozas e mozos empezaron a xogar o xadrez. Eu tamén.

Todo sucedeu en Reikiavik, a capital dun país con moitas librarías. Cada islandés lee un dous libros e medio cada mes.  En España, a media son 10 libros ao ano. Galicia ocupa o sexto lugar no índice de lectura. Contan cun premio Nobel de literatura en 1955, Halldor Laxness, e na actualidade hai varios escritores que forman parte do boom da novela negra nórdica como é o caso de Yrsa Sigurdardóttir, considerada a raíña islandesa do suspense.

Non se perdan a serie “Atrapados” que poden ver nas plataformas de televisión.