To be Abernot, unha reportaxe de France 3

 

Con Denez Abernot, na súa casa, preparando "Novos pasos por Bretaña" ©pemónbouzas

To be Abernot. Unha historia de amor. Pola terra, pola súa terra, polo mar, polos seus mares, pola súa lingua, polos seus vivos, polos seus mortos. Estou a falar dun home do renacemento, cunha vida total, cunhas capacidades artísticas absolutas, cun pensamento tan “simple” que reflicte universal. Un home que, sen berrar, sen proclamas, sen estridencias, loita polo seu mundo, loita contra a inxustiza, contras as guerras que tanto sufrimento provocaron na súa familia, nos seus veciños, na súa terra, no seu mar. O seu nome: Denez Abernot. A súa terra: Bretaña. O seu mar: todos. A sua lingua: Brezhoneg.

“To be Abernot” é o título da reportaxe realizada por France 3 e conducido por Aziliz Bourgès sobre a figura de Denez Abernot.

Ven levado, sobre todo ao contar coa dificultade de que o protagonista fuxe das cámaras e, polo tanto, non aparece en pantalla pero si se lle escoita falar. “To be Abernot” consigue achegarnos  esa figura que da alma os lugares nos que vive e viviu, así sexan rochas dos cantís de Plouguerneau, a localidade bretoa na que vive, ben cumpridas de algas, a area das praias, os faros da súa costa ou os lugares que visitou. Pioneiro como poeta en bretón, cantante folk e de rock & roll, músico e compositor, pintor extraordinario e escultor; ao que hai que sumar que navegou nun barco mercante de Noruega, en pesqueiros de Saint Malo, en paquebotes da compañía Penn Ar Bez ou como capitán nos arriscados barcos que levaban os relevos de fareiros e provisións aos faros construídos sobre rochas no medio do mar, relevos que se facían con tirolinas e, moitas veces, con ondas de sete, oito ou más metros de altura. Ama as dornas.

Denez é un home bo e xeneroso, o maior recoñecemento que lle poderíamos dar a un galego. É bretón, que queren que lles diga. Bebe viño Mencía de Valdeorras.