Horario de protección de menores nas Televisións

 

Captura de pantalla da páxina de La Vanguardia

Dende hai anos,  os medios de comunicación audiovisuais deben cumprir a normativa de horarios de protección de menores; por exemplo, TVE non emite contidos considerados prexudiciais para os menores entre as 6:00 horas da mañá e as 22:00 horas. Todos, en maior ou menor medida, respectan a lei. Pero que pasa con Internet e coas Redes Sociais? Protexen ao menor? NON.

O debate sobre idades para ter móbiles e acceso a Internet e Redes Sociais e morno e hipócrita. Ou se protexe a infancia, ou non se protexe. Australia sorprendeunos hai uns días cunha lei que prohibe os menores de 16 anos accederen a Redes Sociais. Valentes. Agora, cando Meta (Facebook, Instagram e WhatsApp) anuncia que non vai renovar os acordos de pago dunha cota os medios de comunicación de aquel país, é o propio Goberno, co apoio do Parlamento, quen imporá unha taxa obrigatoria ás redes de Meta e Tiktok para axudaren a financiar os medios, o xornalismo.

Semellan bos comezos non so para apoiar o xornalismo, freando a desinformación, sobre todo para volver formar e educar os menores empregando as ferramentas que garanten ese obxectivo, as que deben manexar profesores e pais. De tal xeito que, charlatáns de feira cos máis potentes altofalantes, proxenetas, delincuentes, fascistas, terroristas e xeradores de trolas e desinformación, non poidan acceder coas súas mensaxes perniciosas aos máis novos.

Deberíamos pensar niso. Deberíamos actuar xa. Os menores non deberían documentarse e aprender as súas materias en Tiktok que é, por desgraza, a súa única fonte de documentación.