Bitácora de Pemón Bouzas

  Resulta, cando menos, sorprendente e, quizais preocupante nestes tempos, a simpatía por todo o que significa destrución . O cine , a televisión e moitos autores de libros , empurrados pola industria, producen e xeran historias que, en moitos casos, terxiversan a realidade para favoreceren a mitificación idílica dos seus personaxes, incrementando determinados valores que deixan en segundo ou terceiro planos o carácter real, no caso dos viquingos , a violencia pola violencia, o asasinato, o xenocidio de aldeas enteiras, a pillaxe, o saqueo, as violacións... Galicia sente particularmente esa querenza; ata hai unha multitudinaria festa viquinga que recrea como chegaban pola ría de Arousa coas mesmas intencións que a calquera outro lugar que visitaran, morte, destrución e saqueo . As series televisivas e as películas de diferentes sagas de guerreiros viquingos chegados dos países nórdicos son un bo exemplo desa mitificación, na que a crueldade vese en todo momento xustificad...

  Captura de pantalla da páxina de La Vanguardia Dende hai anos,  os medios de comunicación audiovisuais deben cumprir a normativa de horarios de protección de menores ; por exemplo, TVE non emite contidos considerados prexudiciais para os menores entre as 6:00 horas da mañá e as 22:00 horas. Todos, en maior ou menor medida, respectan a lei. Pero que pasa con Internet e coas Redes Sociais ? Protexen ao menor? NON . O debate sobre idades para ter móbiles e acceso a Internet e Redes Sociais e morno e hipócrita. Ou se protexe a infancia, ou non se protexe. Australia sorprendeunos hai uns días cunha lei que prohibe os menores de 16 anos accederen a Redes Sociais . Valentes. Agora, cando Meta (Facebook, Instagram e WhatsApp) anuncia que non vai renovar os acordos de pago dunha cota os medios de comunicación de aquel país, é o propio Goberno, co apoio do Parlamento, quen  imporá unha taxa obrigatoria ás redes de Meta e Tiktok para axudaren a financiar os medios, o xorn...

  Notre Dame, París. ©pemónbouzas  París renace. Notre Dame volve abrir as súas portas reconstruída tras o devastador incendio sufrido en abril de 2019. Un dos símbolos da capital francesa volve brillar grazas aos máis de 800 millóns de euros recadados en doazóns, máis que suficientes para realizar a reconstrución do destruído e a restauración do danado. Notre Dame é moito máis que unha catedral católica, é un símbolo da cidade, de París, de Francia e de Europa. Foi templo da Razón durante a Revolución francesa, é arte en si mesma e forma parte do imaxinario literario, musical e cinematográfico de todos nós. Altorelevos do coro, o Nadal. Notre Dame, París. ©pemónbouzas  Á monumentalidade arquitectónica hai que sumar a riqueza escultórica , as pinturas e o coro, de madeira, que quedou moi danado. Afortunadamente foi reconstruído; os altorelevos que narran a vida de Cristo, dende a Anunciación ata a Paixón volven ilustrar os visitantes, o novo órgano vai encher de har...