Aínda mantedes conta en (Twitter) X? Non
busquedes xustificación se realmente sodes demócratas (non do Partido
Demócrata dos EEUU) e credes na Democracia.
Se en Twitter corrían trolas, dende que se chama X porque a mercou Elon Musk, é
unha fábrica de mentiras, de noticias falsas, de desestabilización política e
social, de facer dano atendendo so a intereses
ben escuros.
Chegou a era dos ILUMINADOS, xente que
coas novas tecnoloxías acadou tanta riqueza e con ela tanto poder que se creen que
son como os seus ídolos, os súper heroes da iconografía tan sumamente infantil
da sociedade americana, aspecto ese que se
propaga polo mundo como un virus mortal e silencioso, que atenta contra os
valores e os principios nos que sempre se apoiou a sociedade europea, con
historia, cultura, literatura, cine de calidade (sen pistolas para matar
mosquitos ou o que se poña por diante).
Todos eses iluminados, cando teñen que se posicionar politicamente,
escollen sempre os defensores da ignorancia,
da incultura, das armas, da forza bruta, dos charlatáns, dos mentireiros,
porque son como eles, e aliméntanse as respectivas vaidades uns a outros. Queren
nomes? Trump é o primeiro, pero hai moitos outros como Orban, Putin, Netanyahu,
Milei (está celebrando a vitoria de Trump con champán), Abascal, o ventrílocuo Miguel
Ángel Rodríguez e a súa boneca de trapo Isabel Díaz Ayuso, e uns cantos máis
que Feijóo ten no seu partido.
Isto vai a máis, porque é moi cómodo ser
vago e fanfurriñeiro, no
n require esforzo. E namentres, igual que os Demócratas
en EEUU, a esquerda española e europea acumulando anos dividida e dando as
costas aos traballadores. Cóctel perfecto.
Comentarios
Publicar un comentario