Pensadores vs Usuarios
Recomendación para esta lectura: Observar con calma a obra "O pensador" de Rodin e escoitar 'Casta diva' da ópera 'Norma' de Bellini interpretada por Joan Sutherland https://youtu.be/iK2LwLyZAlc
Vivimos uns tempos nos que a filosofía da vida
se resume na ecuación acción/reacción. Alguén fai un comentario e inmediatamente recibe a resposta.
Comentarios breves, a ser posible, porque máis alá dos 140 carácteres ou dos
dous minutos e medio de podcast, vídeo ou calquera outro formato nas
redes deixa de interesar. Na maioría das ocasións, a acción, a mensaxe,
que alguén fai pública ou comparte en medios ou en redes, está mais ou menos pensada
e ten como obxectivo a difusión dunha idea. A reacción, escrava da
inmediatez, case nunca é pensada. E aí é onde comeza o debate, un debate baleiro
de contidos pero case sempre cheo de ignorancia e testosterona, aínda que haxa
mulleres de por medio. Boa parte da culpa dese mal que nos afecta como
sociedade é intrínseco ás ferramentas que empregamos para comunicarnos, as
redes sociais, que determinan a cantidade de contido por publicación, provocan
a inmediatez na resposta, como se unha idea fora como un produto de consumo de
usar e tirar, e a inmediata caducidade da mensaxe que queda esmagada polas que
os demais están publicando nesa mesma rede. Antes so
existía o Facebook, pero agora, se eramos poucos, hai Instagram, Tiktok,
YouTube, Twich, Telegram, Snapchat, Sina Weibo,... todas con millóns de usuarios.
Esta reflexión en voz alta, ou negro sobre branco, non deixa de ser unha acción pensada, acción que definiría como un desafogo vital, consciente de que o meu berro xa se perdeu na inmensidade do universo das redes de internet. O pensamento require cultivo e, polo tanto, esforzo, por iso non abunda nas redes sociais, haino que cultivar e descubrir fora, nos libros, nas bibliotecas, nos museos, na natureza, na música... (ollo, dixen música). O pensamento é a álternativa á inmmediatez, á incultura, aos ocorrentes (léase xente como moitos influencers, algúns políticos case sempre de dereitas ou das ultradereitas...)
Comentarios
Publicar un comentario