Biblioteca de autor 6: Las brujas de Salem o El Crisol (The Crucible)

Unha das maravillas que caeron nas miñas máns hai anos foi a obra do dramaturgo Arthur Miller “Las brujas de Salem o El Crisol” con título orixinal en inglés “The crucible”. Trátase dunha obra de teatro inspirada nos dramáticos sucesos que aconteceron na pequena vila de Salem, Massachussets, polo ano 1692 no que 19 mulleres novas foron queimadas por bruxaría e entre 200 e 300 foron acusadas en maior ou menor medida de participaren en actos impuros, diabólicos, prohibidos pola sociedade puritana daquela provincia americana de finais do s.XVII. Caza de bruxas para disfrazar outros intereses, coma sempre, económicos, políticos, de dominio sobre outras familias rivais, sobre outros pensamentos. 

Interesabame moito o tema por todos os elementos que rodeaban os fitos históricos como polo tratamento literario feito por Miller na súa exitosa obra. Porén, durante aquela primeira lectura que me abraiou, descoñecía que Miller escollera ese tema como metáfora da caza de bruxas que tantos americanos experimentaron, el tamén, por culpa da política difamatoria e delatora dos seguidores do senador McCarthy que vía comunistas detrás de cada esquina. Arthur Miller foi absolto pouco antes de entrar na cadea por desacato ao Congreso grazas á sentenza do Tribunal de Apelación.

Co paso dos anos chegou a min unha versión en banda deseñada que tamén considero extraordinaria: “Verano Indio” de Hugo Pratt e Milo Manara.Unha xoia.

Volvín a Miller e o seu “Crisol” cando estaba preparando a novela “A voz do vento”.