 |
| Dolores Fonzi recolle o Premio Goya por Belén (Fonte:RTVE) |
Na gala de entrega dos Premios Goya 2026
celebrada o sábado pasado en Barcelona, durou dous meses, de febreiro a
marzo (brincadeira), a cineasta arxentina Dolores Fonzi, directora e
protagonista da película Belén que mereceu o premio a Mellor
Película Iberoamericana, dixo para rematar o seu breve discurso de
agradecemento que “viña do futuro”. Probablemente a mellor frase da noite, máis
alá de todos os postulados antixenocidio e antifascistas que percorreron a noite e a gala.
“Vengo del futuro, aún están a tiempo” –insistiu Fonzi. Quería advertirnos de que nós aínda podemos evitar
que a ultradereita acade o poder grazas á deriva dos seus socios que
perderon todo o sentido democrático que deberían ter, o sentido democrático que
teñen outros partidos de dereitas nisto que que coñecemos como España.
Quen ven do futuro, no seu caso da Arxentina
onde goberna o fascista que acaba de aprobar unha lei na que a xornada
laboral pode ser de doce horas diarias; por iso nos advirte, porque estamos
a tempo de evitalo. Quixera eu ver aquí a tanto vago, que nutre as
listas do paro porque lle vai ven cobrar o subsidio, quixera velos tendo que ir
traballar doce horas ao día porque gañaran os que eses vagos ignorantes puideran
votar.
Menos mal que quedan moitas “chaponas”
intelixentes, falo das rapazas, falo das que son menosprezadas por ser
brillantes por parte dos inútiles do sexo masculino, un grupo social cada vez
máis violento, máis ignorante, mais encolerizado cos que saben, porque estudian,
porque se informan, porque len, porque consumen cultura, boa parte deles, mulleres.
Comentarios
Publicar un comentario