 |
| Arroz nun almacén |
O arroz forma parte da gastronomía galega a
pesar de que non somos produtores dese cereal. A Galicia chegou moi tarde,
canda menos setecentos anos despois da súa implantación na península Ibérica,
traído polos musulmáns. Foron eles os culpables da súa introdución e do seu
cultivo en zonas apropiadas da costa Mediterránea. Se pensamos en arroz vennos
á cabeza Valencia e a Albufera, o brañal paradigmático da península; porén, a
maior produción de arroz sae das marismas sevillanas do río Guadalquivir, que
aporta o corenta por cento do arroz que se consume en España. O Delta do Ebro e
as Veigas do Guadiana son outros lugares de produción importante.
E como chegou a Galicia o arroz? Como algúns
outros produtos alimenticios, como a pataca, a través das elites, da burguesía,
alá polos séculos XVII e XVIII. Mais é moi probable que se estendera como
comida popular grazas os veciños do sur, os portugueses, que viviran moitos
séculos baixo a influencia árabe, cando menos ata o río Douro. Dende alí chegou
o arroz caldoso e as variantes do arroz marisco, que tanto nos gustan, de onde
saen variantes galegas como o arroz con lumbrigante e con outros mariscos.
Onde está o debate? En se hai que lavar o
arroz ou non. Mais é un debate que non debería existir. Lavamos a froita antes
de comela, lavamos as lentellas de paso que están en remollo, igual pasa cos garavanzos... co arroz pasa o
mesmo. Hai que lavar o arroz por HIXIENE. E que non me falen da textura do amidón
se vai con merda.
Comentarios
Publicar un comentario