Sex (and books) and the city

Sara Jessica Parker, "Carrie" en Sex and the city

Os libros non venden entre as audiencias televisivas e radiofónicas, incluso dispoñen de pouco espazo nas páxinas dos xornais. Por iso non vou falar de libros. Vou falar dunha exitosa serie de hai 25 anos, que non seguín regularmente, pero que que foi vista por millóns de espectadores en todo o mundo: Sex and de city, Sexo en Nueva York en castelán. A serie que cumpriu máis de 25 anos dende a súa estrea, marcou tendencias en relacións entre amigas, no xeito de ver o sexo e as relacións sexuais tan abertamente e con tanta normalidade dende o punto de vista feminino, marcaron modas en vestiario, moito de Zara, peiteados e maquillaxe, en actividades sociais... E quizais lograron ese impacto grazas a seren mulleres normais, de clase acomodada insisto, pero normais.

A actriz protagonista, Sara Jessica Parker,  boa actriz, muller riquiña, con mais de 60 anos, como todas as súas compañeiras, investiu en moitos negocios, pero o que máis ocupa o seu tempo é o de editora, pois si, montou unha editorial que da oportunidades  a escritores novatos. É noticia estes días por ser elixida como xurado do Premio Booker Internacional, premio á mellor novela editada ou traducida ao inglés por algunha editorial inglesa ou irlandesa. Ten que ler, afirma, dous libros diarios durante cinco meses. Imposible. Coñecín un editor, que viña do sector do café, que nos seus primeiros meses na editorial presumía de ler 80 libros ao mes, imposible, e non paraba de estar en saraos literarios e da industria do sector. Alégrame moito que unha persoa influínte, que non influencer ou como din agora “creadora de contidos”, como Sara Jessica Parker lea, sexa editora e empresaria editorial.  Magnífica noticia.

Cando non hai espazo para os libros nos medios, a aparición de atractivos eventos con escritores, músicos e actores, vaise estendendo  por pequenas vilas, aldeas e lugares, apoiados por iniciativas veciñais e, con frecuencia, tamén polos pequenos concellos e outras institucións. Os libros falan e atraen xente. Non tanto nas cidades, nin nos medios, pero están aí.