A mediados de febreiro deste ano 2026, o prezo do litro de gasóleo A andaba arredor de 1’50€. O luns dous de marzo, o prezo subiu case un dez por cento. A día de hoxe supera 1’90€ por litro, a pesar das medidas paliativas do goberno de España.
Repsol, e as demais
compañías petroleiras que subministran en España, depende minimamente,
apenas un 2%, do petróleo que transita polo estreito de Ormuz. Aínda
así, aplicou os consumidores, a todos nós, subidas que a mediados de
marzo superaban o 11% do prezo do combustible. Repsol gañou neste
breve período un 28% en bolsa.
Porén, noutrora, cando se producían descensos
no prezo de referencia, o barril de Brent, aqueles descensos chegaban ao
consumidor devagar, varias semanas mais tarde e nunha proporción ridícula. Se o
barril pasaba de noventa dólares a sesenta e cinco, o prezo que chegaba ao
consumidor era de apenas un par de céntimos por litro.
O exposto ten un nome: Especulación.
Por moitas medidas que os gobernos tomen,
reducindo porcentaxes impositivas, os especuladores non se deterán e seguirán
aplicando subidas aos prezos dos combustibles como auténticos voitres do
diñeiro, voracidade que repercute directamente na cesta da compra e no consumo en xeral, que tamén se ve
altamente afectado.
Uns especulan, enriquecéndose cunha guerra
da que non queremos saber nada, e outros sofren, nós, os consumidores.
Comentarios
Publicar un comentario